Dees maond besteit Veldeke 100 jaor! En dat is veur ós ein sjieke aanleiding óm dees waek de nuuj pagina van de Encyclopedie van Limburg aan Veldeke te wieje.
Op dees pagina duike v'r in 't verhaol van Veldeke. Woe is 't allemaol begós en wat beteikent dees vereniging veur ós Limburgse taal en cultuur?
V'r belle mit Reg van Loo, veurzitter van Veldeke, euver wat de vereniging vandaag de daag deit óm 't Limburgs te behawwe en door te gaeve aan nuuj generaties.
In De Encyclopedie van Limburg weurt gesjreve aan ein biezónder book. Gein book op pepier, mer ein book in de vorm van eine podcast!
Edere waek weurt 'n nuuj pagina toegeveug euver ein ónderwerp dat Limburg écht Limburg maak.
Van biezóndere historie en vergaete sjtreekverhaole tot dörper, sjtede, tradisies, bekinde persoene en sjnelwaeg. Pagina veur pagina óntsjtieët zo ein sjteeds groeter waerend book euver alles wat Limburg Limburg maak.
Raf Gielen (23) en Bas Opgenoorth (20) zeen de vaste sjtemme die dich edere waek mitnumme nao 'n nuuj pagina van dees encyclopedie.
Edere donderdig óm 07:00 oer 'n nuuj pagina.