Op 18 meert kent d'r weier gesjtömp waere in de gemeinteraodsverkeizinge. In deze leste podcast van sezoen 3 höbbe veer de liestrèkkesj te gas van veier poletikke pertieje oet Zitterd-Gelaen. Te weite, Yvonne Salvino (GOB), Patrick Brouwers (CDA) Paul Kubben (GroenLinks/PvdA) en Wil Paauwe (Stadspartij). Zie gaon mitein in debat euver ein aantal sjtandjpunte, kenne Sjerp & Ruig ze in toom hawte en waere d'r nog sjoon verkeizingsbelofte gemaak?
Geer heurt 't in podcast 19 van Sjerp & Ruig!
Over Sjerp & Ruig Vastelaovespodcast
Dit is de vastelaovespodcast Sjerp & Ruig! De podcast wo-in veer dich mitnumme tössje de appelsiene en nónnevotte. Ruig om te loestere en gegarandeierd sjerpe vraoge. Mèr altied richtig Zittesje vastelaovend en ein klein bietje van dao boete.